Oliy ta'lim tizimi kadrlarini qayta tayyorlash va malakasini oshirish instituti, Xalqaro Nordik universiteti (Toshkent) “Nordik training markazi” hamda AQSHning Rowan Universiteti hamkorligida tashkil etilgan "Taʼlimda sunʼiy intellekt: nazariya, liderlik va amaliyot" xalqaro malaka oshirish dasturi yuqori surʼatda va amaliy ruhda amalga oshirilmoqda. Dastur ishtirokchilari sunʼiy intellektning nazariy asoslarini chuqur o‘rganish bilan birga, ilg‘or AI platformalarini taʼlim jarayonlari va universitet boshqaruviga tatbiq etish bo‘yicha amaliy mashg‘ulotlarda faol qatnashmoqdalar.
Ushbu jaroyonda O‘zbekistonning yetakchi oliy ta'lim muassasalari, vazirlik va ilmiy markazlardan 30 nafardan ortiq rahbar, professor-o‘qituvchi hamda mutaxassislar ishtirok etayaptilar.
Shuningdek, tinglovchilar Rowan Universitining ilg‘or tajribasi, yuqori unumdor hisoblash markazi (High-Performance Computing Center), AI asosidagi ta'lim yechimlari bilan yaqindan tanishdilar. Dastur davomida har bir modul nazariya bilan cheklanmay, amaliy loyihalar, keys tahlillari, ekspertlar bilan uchrashuvlar va strategik muhokamalar orqali qizg‘in va samarali kechmoqda. 15-iyuldan boshlangan jarayonlar 1- avgustgacha davom etadi.
