O‘zbekiston Respublikasi Vazirlar Mahkamasining "Oliy ta‘lim muassasalari pedagog kadrlarini qayta tayyorlash va ularning malakasini oshirish tizimini yanada takomillashtirish chora-tadbirlari to‘g‘risida"gi 2012-yil 26-sentabrdagi 278-sonli qarori bilan O‘zbekiston Respublikasi Oliy va o‘rta maxsus ta‘lim vazirligi huzurida Oliy ta‘lim tizimi pedagog va rahbar kadrlarini qayta tayyorlash va ularning malakasini oshirishni tashkil etish Bosh ilmiy-metodik markazi tashkil etilgan.
O‘zbekiston Respublikasi Vazirlar Mahkamasining 2024-yil 11-iyuldagi 415-sonli qarori bilan Bosh ilmiy-metodik markazi qayta nomlandi va Institut maqomi berildi.
O‘zbekiston Respublikasi Vazirlar Mahkamasining "Oliy ta'lim tashkilotlari rahbar va pedagog kadrlarini qayta tayyorlash va malakasini oshirish tizimini samarali tashkil qilish chora-tadbirlari to‘g‘risida"gi 2024-yil 11-iyuldagi 415-sonli qarori bilan Bosh ilmiy-metodik markazi Oliy ta‘lim, fan va innovatsiyalar vazirligi huzuridagi Oliy ta‘lim tizimi kadrlarini qayta tayyorlash va malakasini oshirish instituti deb qayta nomlandi va institut maqomi berildi.
Oliy taʼlim tashkilotlari rahbar hamda pedagog kadrlarini qayta tayyorlash va malakasini oshirish taʼlim tashkilotlarining tashkiliy hamda oʻquv-metodik faoliyatini muvofiqlashtirish.
Oliy taʼlim tashkilotlari hamda akademik litseylar rahbar va pedagog kadrlarini qayta tayyorlash kurslarini hamda rahbar kadrlari zaxirasiga nomzodlarni maqsadli oʻqitishni tashkil etish.
Taʼlim sifatini zamonaviy talablarga muvofiq taʼminlash uchun rahbar va pedagog kadrlarining kasbiy bilim, koʻnikma va mahoratini uzluksiz oshirib borish mexanizmlarini joriy etish.
Pedagogik taʼlimning dolzarb muammolari, raqamli texnologiyalar va menejment yoʻnalishlarida ilmiy ishlar qilish, doktorantura orqali yuqori malakali kadrlarni tayyorlash.
Qayta tayyorlash va malaka oshirish kurslarining taʼlim jarayoni sifati hamda natijadorligini tizimli tahlil qilishning raqamli axborot tizimlarini joriy etish.
Rahbar va pedagog kadrlarining ehtiyojidan kelib chiqib, oʻquv rejasi hamda taʼlim dasturlarini ilgʻor xorijiy tajribalar asosida ishlab chiqish va joriy etish.
Oʻquv jarayoni va ilmiy faoliyatga yuqori malakali xorijiy mutaxassislarni jalb qilish, ilgʻor pedagogik tajriba almashish borasida xalqaro hamkorlikni rivojlantirish.
