AQShning Rowan universitetida “Ta’limda sun’iy intellekt: nazariya, liderlik va amaliyot” mavzusidagi xalqaro malaka oshirish dasturi davom etmoqda.
Oliy ta’lim tizimi kadrlarini qayta tayyorlash va ularning malakasini oshirish instituti hamda Nordik xalqaro universiteti hamkorligida tashkil etilgan mazkur dasturda O‘zbekiston davlat jahon tillari universiteti 1-ingliz fakultetining ikki nafar professor-o‘qituvchisi ham faol ishtirok etmoqda.
Dastur davomida ishtirokchilar sun’iy intellektning nazariy asoslari, zamonaviy AI platformalaridan ta’lim jarayonida samarali foydalanish, ularni universitet boshqaruvi va ta’lim tizimiga integratsiya qilish bo‘yicha ilg‘or tajribalarni o‘rganmoqda. Mashg‘ulotlar nazariy bilimlar bilan bir qatorda amaliy trening va seminarlar shaklida tashkil etilayotgani ishtirokchilarga o‘z kasbiy kompetensiyalarini yanada rivojlantirish imkonini bermoqda.
