Shuningdek, tinglovchilar Rowan Universityning ilg‘or tajribasi, High-Performance Computing Center (HPC), sun’iy intellekt asosidagi ta’lim yechimlari, VR va XR texnologiyalari hamda AQSHning innovatsion ekotizimi bilan yaqindan tanishmoqda. Dastur doirasida amaliy loyihalar, keys tahlillari, ekspertlar bilan uchrashuvlar va strategik muhokamalar tashkil etilmoqda.
Ma’lumot o‘rnida, Rowan University 1923-yilda tashkil etilgan bo‘lib, AQSHning Nyu-Jersi shtatidagi yetakchi davlat tadqiqot universitetlaridan biri hisoblanadi. Universitet muhandislik, sog‘liqni saqlash, biznes, ta’lim va axborot texnologiyalari yo‘nalishlarida kuchli ilmiy salohiyatga ega bo‘lib, sun’iy intellekt, yuqori unumdor hisoblash (HPC) va innovatsion ta’lim texnologiyalari bo‘yicha zamonaviy ilmiy markazlari bilan ajralib turadi.
