Bugun Oliy taʼlim tizimi kadrlarini qayta tayyorlash va malakasini oshirish institutida Adliya vazirligi huzuridagi Yuridik kadrlarni qayta tayyorlash va malakasini oshirish instituti o‘qituvchisi Yoqubjonov Ma’rufjon Odiljon o‘g‘li ishtirokida "Sun’iy intellektni yaratish, joriy qilish va foydalanish bo‘yicha etika qoidalari" mavzusida seminar bo‘lib o‘tdi.
Seminarda Sun’iy intellektdan foydalanishdagi texnik, ijtimoiy va huquqiy xavflar, Etika Qoidalari, asosiy tamoyillar: shaffoflik, adolatlilik, xavfsizlik, mas’uliyat, maxfiylik va inson nazorati, faqat SI xulosasiga tayanish taqiqlangan holatlar (tibbiy, huquqiy, moliyaviy va boshqa muhim qarorlar), Yevropa Ittifoqi, AQSh, Xitoy va boshqa mamlakatlar tajribasi, Deepfake, ma’lumotlar suiiste’moli va algoritmik diskriminatsiya bo‘yicha real misollar, SI tufayli yetkazilgan zarar uchun huquqiy javobgarlik masalalari muhokama qilindi.
