Oliy taʼlim tizimi kadrlarini qayta tayyorlash va malakasini oshirish institutida “Yoshlar kuni” munosabati bilan institut direktori o‘rinbosari I. Isomov ishtirokida yoshlar bilan ochiq muloqot tashkil etildi.
Uchrashuv davomida yoshlar tomonidan ilgari surilgan ustuvor vazifalar, dolzarb masalalar hamda muhim tashabbuslar keng muhokama qilindi.
Shundan so‘ng, yoshlarning ilmiy salohiyatini oshirish, ularni ilm-fan va innovatsion faoliyatga keng jalb etish maqsadida institut bo‘lim boshlig‘i, p.f.d., dotsent A. Djo‘rayev tomonidan dissertatsiya ishlarini tayyorlash, maqsad va vazifalarni to‘g‘ri belgilash, shuningdek ilmiy yangilikni asoslash bo‘yicha batafsil tushunchalar berildi.
Muloqot jarayonida institut yoshlarining taklif va muammolari tinglanib, ularni hal etish yuzasidan mas’ul ijrochilarga tegishli topshiriqlar berildi.
