Mazkur memorandum taʼlim va fan sohasida ikki tomonlama hamkorlikni rivojlantirish, ilmiy-tadqiqot faoliyatini qoʻllab-quvvatlash hamda zamonaviy taʼlim talablariga mos yuqori malakali kadrlar tayyorlashga qaratilgan.
Bundan tashqari, memorandum asosida qayta tayyorlash va malaka oshirish kurslarini tashkil etish, taʼlim, fan va amaliyot integratsiyasini taʼminlashga qaratilgan qoʻshma ilmiy-tadqiqot ishlari hamda amaliy loyihalarni ishlab chiqish va joriy etish koʻzda tutilgan.
Ushbu hamkorlik ikki taʼlim muassasasi oʻrtasida oʻzaro tajriba almashish, ilmiy salohiyatni oshirish va taʼlim sifatini yangi bosqichga olib chiqishda muhim ahamiyat kasb etadi.
