Bugun o‘zbek adabiyoti va madaniyati tarixidagi ulug‘ siymolardan biri, zamondoshlari tomonidan “Nizomiddin Mir Alisher” deya ulug‘langan buyuk zot — Alisher Navoiyning tavallud topgan kuni.
Alisher Navoiy — dunyo tan olgan mutafakkir. Uning ijodi nafaqat O‘zbekistonda, balki Yevropa, okeanorti mamlakatlarida ham yuksak qiziqish bilan o‘rganiladi. Butun dunyoda minglab ilmiy ishlar, maqolalar, traktatlar, asarlar, filmlar, spektakllar, badiiy asarlar yaratilgan. Uning asarlari shunchaki badiiy xayolot mahsuli bo‘lib qolmasdan, sharq xalqlari tarixi va falsafasini o‘rganishda muhim ahamiyatga ega.
