Joriy yilning 11-fevral sanasida Oliy ta’lim tizimi kadrlarini qayta tayyorlash va malakasini oshirish instituti rahbariyati hamda Janubiy Koreyaning Keimyung universiteti professori Yu Sung Keun boshchiligidagi delegatsiya a’zolari ishtirokida rasmiy uchrashuv bo‘lib o‘tdi.
Mazkur uchrashuv oliy ta’lim tizimi rahbar va pedagog kadrlarini malakasini oshirish tizimida xalqaro hamkorlikni kengaytirish va ilg‘or tajribalarni joriy etishga qaratildi. Muloqot davomida qo‘shma malaka oshirish kurslarini tashkil etish, professor-o‘qituvchilarning kasbiy kompetensiyalarini xalqaro talablar asosida takomillashtirish masalalari atroflicha muhokama qilindi.
Uchrashuv yakunida tomonlar o‘zaro manfaatli hamkorlikni izchil davom ettirish, sun’iy intellekt asosidagi qo‘shma loyihalarni amalga oshirish hamda istiqboldagi aniq amaliy chora-tadbirlarni belgilab olishga kelishib oldilar.
