Joriy yilning 15-aprel sanasida Oliy ta’lim tizimi kadrlarini qayta tayyorlash va malakasini oshirish instituti tomonidan Rossiya ta’lim akademiyasi bilan hamkorlikda «O‘qituvchini metodik hamda pedagogik-psixologik tayyorlashda fan sohasi bo‘yicha baholash» mavzusida onlayn ilmiy seminar tashkil etildi. Respublikamizdagi mavjud 20 dan ortiq mintaqaviy va tarmoq markazlari tinglovchilari ishtirok etgan seminarda o‘qituvchilarning bilim va ko‘nikmalarini baholash, metodik va pedagogik yondashuvlar haqida ma’ruzalar eshitildi.
Ma’ruzalarda o‘qituvchilarning metodik hamda pedagogik-psixologik tayyorligini yuqori darajaga olib chiqish, ular uchun zamonaviy pedagogik yondashuvlarni kengaytirish, o‘qitish jarayonida fan sohasi bo‘yicha bilim va ko‘nikmalarni samarali baholash tizimlarini joriy etish masalalari yoritildi.
