Ushbu kurslar aralash ta'lim usullari orqali olib borilmoqda. Ya'ni, tinglovchilar masofaviy malaka oshirish platformasi orqali oflayn o‘qishlari bilan birgalikda, onlayn mashg‘ulotlarda ham ishtirok etmoqdalar.
Jumladan, 2025-yilning 15-aprel kuni masofaviy malaka oshirish kurslari tinglovchilari uchun dastlabki onlayn dars “Yangi O‘zbekistonning taraqqiyot strategiyasi va jamiyatning ma‘naviy asoslari” moduli doirasida s.f.d., professor Sirojov Oybek Ochilovich ishtirokida “2022 — 2026 yillarga mo‘ljallangan yangi O‘zbekistonning taraqqiyot strategiyasining davlat va jamiyat hayotini takomillashtirishdagi o‘rni va ahamiyati” mavzusida tashkil etildi.
Mazkur onlayn darsda 430 nafar tinglovchilar Zoom ilovasi orqali onlayn ishtirok etib, o‘zlarini qiziqtirgan savollarga javob oldilar.
