Bugun, 6-mart kuni Oliy ta’lim tizimi kadrlarini qayta tayyorlash va malakasini oshirish institutida xodimlar hamda tinglovchilar uchun “Oliy ta’lim tizimida korrupsiyaga qarshi kurashish hamda manfaatlar to‘qnashuvining oldini olish” mavzusida seminar tashkil etildi.
Seminarda O‘zbekiston Respublikasi Prezidenti huzuridagi Qonunchilik va huquqiy siyosat instituti Xalqaro munosabatlar sohasidagi qonunchilik shu’basi rahbari, yuridik fanlari doktori, professor Bahodir Islomovich Ismoilov ishtirok etib, korrupsiyaga oid huquqbuzarliklarning jamiyat va davlat boshqaruviga salbiy ta’siri, ularning huquqiy oqibatlari hamda manfaatlar to‘qnashuvining oldini olish masalalari yuzasidan batafsil ma’lumot berdi.
Tadbir davomida korrupsiyaning jamiyat va davlat boshqaruvi tizimiga salbiy ta’sirini aks ettiruvchi hujjatli filmlar namoyish etilib, ishtirokchilar bilan ochiq muloqot hamda savol-javoblar o‘tkazildi.
