17-noyabr kuni Oliy ta’lim, fan va innovatsiyalar vazirligi huzuridagi Oliy ta’lim tizimi kadrlarini qayta tayyorlash va malakasini oshirish institutida “Ta’lim jarayonida sun’iy intellektning o‘rni” mavzusiga bag‘ishlangan ilmiy-amaliy seminar tashkil etildi.
Tadbirda Malayziyaning Tun Husayn Onn universiteti Tillarni o‘qitish fakulteti dekani professor Azmi Abdul Latiff hamda universitet katta o‘qituvchisi Zainal Abidin Sayadi ishtirok etdilar.
Seminarda ta’lim tizimida sun’iy intellekt texnologiyalarini qo‘llashning nazariy va amaliy jihatlari, zamonaviy raqamli vositalar asosida o‘qitish metodikasini takomillashtirish, xorijiy tajribalarni integratsiya qilish masalalari atroflicha muhokama qilindi.
