2026-yil 10-yanvar kuni Oliy ta’lim tizimi kadrlarini qayta tayyorlash va malakasini oshirish instituti xodimlari hamda tinglovchilari uchun "Korrupsiyaga oid huquqbuzarliklarning jamiyat va davlat boshqaruviga salbiy ta’siri" mavzusida davra suhbati tashkil etildi.
Davra suhbatida O‘zbekiston Respublikasi Prezidenti huzuridagi Qonunchilik va huquqiy siyosat instituti Xalqaro munosabatlar sohasidagi qonunchilik shu’basi rahbari, yuridik fanlari doktori, professor Ismoilov Bahodir Islomovich ishtirok etib, korrupsiyaga oid huquqbuzarliklarning jamiyat va davlat boshqaruviga salbiy ta’siri, ularning huquqiy oqibatlari hamda manfaatlar to‘qnashuvini bartaraf etish masalalari atroflicha muhokama qilindi.
Shuningdek, tadbirda korrupsiyaning jamiyat va davlat boshqaruviga salbiy ta’sirini aks ettiruvchi hujjatli filmlar namoyish etildi.
