Joriy yilning 17-aprel sanasida Rossiya ta'lim akademiyasi hamda A.I.Gersen nomidagi Rossiya davlat pedagogika universiteti hamkorligida tashkil etilgan "Pedagoglarni tayyorlash — professional ta’limni strategik rivojlantirish manbasi" mavzusida II Xalqaro ilmiy-amaliy konferensiya bo'lib o'tdi.
Unda Oliy ta'lim tizimi kadrlarini qayta tayyorlash va malakasini oshirish instituti direktori, pedagogika fanlari doktori, professor U.Sh.Begimkulov "Professional ta’lim sohasida pedagoglar tayyorlashning dolzarb masalalari" plenar yig‘ilishida so'zga chiqib, Respublikamizda so‘nggi yillarda ta’lim tizimida olib borilayotgan keng ko‘lamli islohotlar va bu islohotlarning ta’lim sifatini oshirishdagi roli, zamonaviy texnologiyalarni joriy etish, o‘quv dasturlarini yangilash hamda xalqaro standartlarga mos kadrlar tayyorlashga qaratilganligini ta'kidlab o'tdi.
